Басты бет » Семей қаласының Мемлекеттік Медицина университеті туралы

Семей қаласының Мемлекеттік Медицина университеті туралы

Семей қаласы мемлекеттік медицина университеті жеке клиникалық базасы мен Павлодар қаласында филиалы бар,  Қазақстан Республикасының ірі медициналық жоғарғы оқу орнының бірі болып табылады. Университеттің инфрақұрылымдық даму динамикасының жоғары болуы оның білім, ғылым және инновациялық әлеуетінің қарқынды дамуын қамтамасыз етті. 2007 жылғы Халықаралық Заманауи Саясат Институтының «Қазақстан республикасы жоғары білім берудегі бәсекелестікті социологиялық зерттеулер» мәліметтері бойынша Семей қ. ММУ Қазақстанның жоғары оқу орындары рейтингісінде екінші орында.«Ғылым және денсаулық сақтау» ғылыми журнал басылымы бар, диссертациялық кеңес қызмет жасайды.

Біздің түлектер жоғары білікті маман ретінде сұранысқа ие. Олар Қазақстанда жемісті қызмет атқарумен қатар, шетелде де қызметте (АҚШ, Израильде, Германияда, Ресейде, Пәкістанда, Индияда, Жапонияда және басқа елдерде).

Біздің миссия Қазақстанның барлық халқы үшін сапалы медициналық білім беру болып табылады.Университеттің стратегиялық мақсаты – Шығыс – Қазақстан аймағы денсаулық сақтау саласын жоғары білікті медициналық кадрлармен қажеттілігін толық қанағаттандыру.

 

 

ТАРИХЫ

Семей қаласының Мемлекеттік Медицина университетінің тарихы 1953 жылдың 1 қыркүйегінде емдеу ісі факультетіне 320 студенттің қабылдаумен басталды. Университеттің қызмет ету барысында 25 000 түлек бітіріп, олар Қазақстан және алыс-жақын шетелдерде қызмет атқарып келеді. Олардың арасында ҰҒА 3 академигі, Қазақстан республикасының парламентінің депутаттары, 6 адам медициналық ЖООда ректорлық қызмет атқарып, Облыстық денсаулық сақтау департаментінде 14 басшы және басқада ғылым және тәжірибе саласында қайраткер жұмыс жасауда

Соңғы жылдары оқу үдерісін жетілдіру жұмыстары ұйымдастырылып, ғылыми медициналық әлует дамып, материалдық-техникалық база бекемделді. ЖОО елде және әлемде танымал болып, қарқынды түрде дамуда. 2009 жылдан бастап оған Университет мәртебесі берілді. Қазіргі танда бұл Шығыс Қазақстан облысы және Павлодарда аймақтарында көп профильді медициналық университет, білім және мәдени орталық болып табылады.

Университет тарихындағы маңызды оқиғаның бірі Университетке 2007 жылдың маусымында Қазақстан Республикасының президенті Нұрсұлтан Әбішұлы Назарбаевтың арнайы келген сапары, және президентіміздің Университет қызметін жоғары бағалап, жетістіктерін атап өйткені: «Бұл елдегі ең үздік медициналық оқу орны, және мен оның қызметін үнемі бақылауда ұстаудамын» деп университет оқытушылары мен студенттеріне айтты. Жоғарғы мақсатқа жету үшін университетте 1500 астам профессор, оқытушылар, қызметкерлер мен дәрігерлер еңбек етуде. Жыл сайын 600-ден астам талапкер университеттің студенттер қатарына қосылуда, студенттердің жалпы құрамы 4 000 адамнан асуда. Университетте Үндістаннан, Пакистаннан, Ресейден, Монголиядан келген шетелдік студенттер білім алуда. 


 

Байланыс:                   

Қазақстан Республикасы
Шығыс Қазақстан облысы, Семей қаласы, 071400, Абай Кунанбаев көшесі. 103
тел: (+7-7222) 52-22-51, 56-28-84
факс: (+7-7222) 56-97-55
E-mail: mail@ssmu.kz